١- ئەویندارانە زمانتان خۆش بوێت، بەتایبەت زمانی دایک و لەو بارەیەوە خۆتان پڕچەک بکەن.
٢- فێر ببن چۆن باش بنووسن.
٣- لەبارەی مێژووی زمانی دایک و ئەو فەرهەنگەی زمانەکە لە ئامێزیدا گەشەی کردووە، بخوێننەوە.
٤- تەنیا بە زمانی دایکیتان وەربگێڕن.
٥- چوارچێوەیەکی پسپۆڕی بۆ خۆتان هەڵبژێرن و لەبارەی ئەو چوارچێوەیەوە بەباشی بخوێننەوە و زانیارییەکانتان بەتازەیی بهێڵنەوە.
٦- بخوێننەوە. هەرچەنێک زیاتر، باشتر. کتێب، ڕۆژنامە، وارگە، گۆڤار و دەقی ڕیکلامی. هەرچییەک هاتە پێشەوە.
٧- گوێ ڕادێرن. هەرچەنێک زیاتر، باشتر. تەلەفزیۆن، ڕادیۆ، خەڵکی کووچە و کۆڵان، هاوڕێیان و ئەندامانی خێزان، لەنێو پاسدا، فرۆشگە و گشت جێیەک.
٨- لە سێمینار و خولە فێرکارییەکانی پسپۆڕیتاندا بەشداری بکەن. لە زمانی پسپۆڕانی ئەو بوارە ورد ببنەوە. تەنانەت سەرنج بدەنە دەموڕاوێژ و گتەکانیشیان، بەڵام لاساییان مەکەنەوە.
٩- خولیا و باسە تازەکان بناسن.
١٠- با زانیارییەکانتان لەمەڕ کۆمپیوتەر و پەیوەندییەکانەوە، پێ بە پێ لەگەڵ سەردەمدا بڕوات.
١١- با شارەزاییەکانتان بەردەوام بەرەو سەرەوە هەڵکشێ. هەمیشە خۆتان وا وێنا بکەن کە لە دۆخی فێربووندان.
١٢- بۆ ئەو وشانەی کە نووسیوتانن، گوێ ڕادێرن. (زۆرێک لە نووسەران و وەرگێڕان، دەقەکانی خۆیان بە دەنگێکی بڵند دەخوێننەوە.) هەر نووسراوێک، ئاوازێکی تایبەتی خۆی هەیە. ئەگەر نووسراوەکەتان ئەو «ئاواز»ەی نییە، جۆری وشەکانی بگۆڕن، نەوەک خودی خۆی.
١٣- لە نووسینەوەی دەقەکاندا «ڕێنووسێکی ڕاست و بێهەڵە» پەیڕەو بکەن. بەجیددیمە. هەمیشە کەڵکی لێ وەرگرن.
١٤- پێش ئەوەی وەرگێڕدراوەکەتان بنێرنەوە، بۆخۆتان چاپی بکەن و بیبینن، بزانن داخۆ لەسەر پەڕە چلۆن دەرچووە.
١٥- لە خۆتان بپرسن، ئایا وەرگێڕدراوەکەم، مانادارە؟ ئەگەر بۆ چرکەیەکیش گتتان کرد و لە خۆتان پرسی، ئەمەی کە وەرم گێڕاوە، یانی چی؟ بزانن جێیەکی ئەو کارە لەنگە.
١٦- ڕوون و ڕەوان بنووسن. بۆ درێژیی ڕستە و چەپکەوشەکان، سەرنج بخەنە سەر زمانی مەبەست، تەنانەت دەتوانن هزرە ئاڵۆزەکانیش بە زمانێکی ڕوون و ڕەوان و بێهەڵە بگوێزنەوە.
١٧- ئەگەر لە دەقە بنچینەییەکەدا تووشی هەڵەیەک هاتی، یا وشەیەکی نائاشنا و گوماناویت بینی، لە کاتی ڕادەستکردنەوەی وەرگێڕدراوەکەتاندا، خاوەنکارەکەی لێ ئاگادار بکەنەوە.
١٨- هەمیشە خوێنەری دەقەکەتان لە پێشچاو بگرن.
١٩- خۆتان وەک وەرگێڕێکی لێزان پیشان بدەن.
هەر بەو شێوەیەی کە دەیبینن، فرەیەک لەم ڕێگە و شێوازانە، لەنێو وەرگێڕ و نووسەراندا هاوبەشن. بەهەرحاڵ، وەرگێڕان جۆرێکە لە نووسین و وەرگێڕی باش، گەرەکە نووسەرێکی باشیش بێت. بۆیە هەمیشە ئاوەزتان بخەنە کار. ئەمە شتێکە کە هەر وەرگێرێکی باش بۆ وەرگێڕێکی لێهاتوو دەگۆڕێت.