بۆ لە وەڵاتی ئێوەدا هیچ بنیادەمێک ناخەنێت؟

نووسینی: نزار قەبانی وەرگێڕانی: یەحیا خەلیل
ئەدەب 2023-12-24 کۆمێنت 2 خولەک بۆ خوێندنەوە 900 جار بینراوە

دۆستی گیانی بەگیانیم
کە کوێرەوەری و خەم و غوربەت
لە چاوانتەوە دەخوێنمەوە
ئێمە خەڵکانێکین کە شادی پێ نازانین
زارۆی ئێمە تا هەنووکە هیچ پەلکەزێڕینەیەکیان نەدیوە
ئێرە سەرزەمینێکە
دەرگەکانی خۆی گاڵە داوە
ڕامان و هەستی توور هەڵداوە 
سەرزەمینێک کە گوللە بە کۆترەوە دەنێت؛ 
بە هەورەیل و دەفرەزەنگەوە.
لێرە هەر تەیرێک کە دەفڕێت، دەکوژرێت
هەرچی شاعیریشە لە شیعرگوتن دەسڵەمێتەوە

ئێرە وەڵاتێکە
کە چ ڕێیەک بۆ تەیکردن نییە
هیچ مێشێک نییە لە گەڕەکێکەوە بفڕێت بۆ ئەوی دی
هیچ شەوەشیعرێک نابەسترێت
ئێرە مەملەکەتێکە
نیوەی چاڵەزیندانە و
نیوەکەی تریشی زیندانەوان
مردووان لەگەڵ هاوسەرانی یەکدیدا
لێک جووت بوون و
دیار نییە خەڵکەکەی بەرەو کوێنە چوون!

وەڵاتی ئێوە
جوانترین وەڵاتێکە کە دیومە!
لێرە ئاو دەخەنێت
گوڵان دەکەنن
قۆخ و هەناریش...
پرچی گوڵەیاسەمین
بەسەر دیواراندا شۆڕەوە بوون

دەسا بۆ لە وەڵاتی ئێوەدا
هیچ بنیادەمێک ناخەنێت؟

--------------------------------------

ئەم دەقە بەشێکە لە چامەی «خوێندنەوەیەکی دی بۆ پێشەکیی ئیبن خەلدوون»

تاگەکان    
فەلسەفەی ئەخلاق مۆدێرنیتە چەواشەکاریی_لۆژیکی هاوڕەگەزخوازی قەدەر عیرفان گۆرانی نائومێدی مانا ئەدەبیاتی فارسی ئەیاد قنێبی قوتابخانەکانی نوور ژن مۆدێرنە سۆفیگەری
ئەدەب
2023-12-24 کۆمێنت 2 خولەک بۆ خوێندنەوە 900 جار بینراوە
بابەتی زیاتر
سەرجەم مافەکانی پارێزراوە بۆ وارگەی هاوسانی . Copyright 2024 - hawsani.org © Developed by Kurdsoft
×
هاوسانی