خۆری ڕاستی ئاوا بوو و
بەیانی جێگەکەی دا بە ئێوارێ
سینگی ڕۆژەڵات شەق بوو و ڕێگەکانیش بەستران.
ئێمە سەر بۆ مەرگ نەوی ناکەین
پێیان بێژن ئێمە هەر لێرە جێمان خۆش دەکەین.
خاکەکەت، ماڵەیل و خەڵکانێک کە ئازار دەچێژن؛
ئەمانە هەموو هیی ئێمەن ئەی باشوور!
ئەوینی من! ئەی باشوور!
ئەی باشوور! گشت ئەمانە تەنێ پەیڤەیلە کە دەرخواردت دەدەن
دادگەری بە خاچ کێشراوە و
لە ئاشتییش، خوێن جۆگەلەی بەستووە.
ئەم جەنگانە چ گرنگییەکی لەبۆ ئێمە هەس؟
ئێمە هەر لێرە جێ دەگرین، تەنانەت ئەگەرەکوو تەواوی بوونیش تووناوتوون بچێت.
گەردێک لە خاکت کەم ناکات، ئەی باشوور!
پێیان بڵێ: ئێمە هەر لێرە جێگەمان دەگرین.
ئەی باشوور! لە پەیمانشکێنیی زەمانە ترست وەبەر نەنیشێت
لە وێرانیی جەنگەکان و لە ئازاری بەئاواتنەگەیشتن مەترسێ
بەپێچەوانەی ئەوی وا هاتووەتە پێش
ئێمە هەر لێرە دەمێنینەوە و داری زەیتوونیش دەگەڕێتەوە.
ئەی باشوور!
دیسانەوە شکۆ لە خاکتەوە دەدرەوشێتەوە.
------------------------
ئەم شیعرە لە فارسییەوە کراوەتە کوردی.
وەرگێڕانی لە عەرەبییەوە بۆ فارسی: حوسێن خوسرەوی