حەقیقەت د بازنا کێم و زۆرێدا

نووسینی: وەحید سندی
فیکر 2020-08-13 کۆمێنت 433 جار بینراوە
دەما جڤاکێ دیمۆکراتی دهێتە پێش -مەبەستا مە دیمۆکراتییا ڕۆژهەلاتی نینە- ئێکسەر چەمکێ «حەقی لگەل زۆربوونێیە» یانژی حوکمەت ب دەستێ ڕێژا پترێیە.
دەما ئەم بەرێخوەدانێ بۆ بازنا ئایینی بکەین وی دەمی تێگە دهێت گهۆرین و بەرەڤ ئاراستەیەکا دیڤە دچت، ئەوژی مەرج نینە ڕێژا زۆرینە دروست بت.
   جودا ژ ڤی ئالی، دناڤ بازنا فەلسەفیدا ژی بتایبەت فەلسەفا هەبوونگەرییا (سۆرێن کیرکیگارد 1813ـ 1855)ی ب هەمان نەرینا ئایینی بەرێخوەدان بۆ تێگەهێ زۆر و کێم کریە.
   د دیتنا فەلسەفا هەبوونگەرایا کیرکیگاردیدا، چەمکێ زۆرینە و کەمینەیێن سیاسی، دوو چەمکێن درەوینن، لسەر بنەمایێ وەهمێ هاتینە ئاڤاکرن، لەورا کەس نەشێت لسەر ڤان دوو چەمکان برارێ لسەر حەقیقەتێ بدەت، دوو چەمکێن زۆر گەمژانەنە، ئەم نەشێن بێژین: حەقیقەت لگەل زورینێیە، دبت هندەک هەبن کێم ژی بن، لێ خودانێن حەقیقەتێ بن، ژیانا پێغەمبەران بەلگەیەکێ ڕوون و ئاشکەرایە لسەر ڤێ گوتنێ. حەقیقەت هەر حەقیقەتە ئەگەر خوە کەسەک ژی دویڤچوونێ بۆ نەکەت و لسەر نەچت.
   لەورا دبینین کیرکیگارد پەنایا خوە بۆ لایێ عیسایێ مەسیح (سلاڤ لێ بن)دبت، دەما دبێژت: «خوە ماندوو بکەن، داکو هوین د دەرگەهێن بچویکدا بچن ژۆرڤە.» هەردیسان ڤەدگەرت بۆ ئالیێ سۆکراتی دەما دبێژت: «دەرگەهێ ڕەزیلەتێ گەلەک مەزن و بەرفرەیە و خەلک ب کۆمی تێدا دچن ژۆرڤە، بەلێ دەرگەهێ فەزیلەتێ بچویکە و بتنێ ئێک کەس دشێت تێدا بچت ژۆرڤە.»
فیکر
2020-08-13 کۆمێنت 433 جار بینراوە
بابەتی زیاتر
سەرجەم مافەکانی پارێزراوە بۆ وارگەی هاوسانی . Copyright 2020 - hawsani.org © Developed by Kurdsoft
×
هاوسانی