⁃ لەو کاتانەی کە بە پێشی کەسێکی پیر یان خاوەن پێداویستیی تایبەتدا تێدەپەڕیت، ڕەچاوی هەست و سۆزی بکە و هەنێک خۆت هێواش بکەرەوە. خوای گەورە ئەو هێز و چوستوچالاکییەی پێت بەخشیوە، لەوەیە ئەو مامە پیرەیە شەکەتی و کەوانەیی پشتی خۆی بە جەنابت هەڵسەنگێنێت و هەندێک دڵتەنگ بێت.
⁃ "لەوەیە دڵی تەنگ بکات" دەستەواژەیەکی سانا نییە پێغەمبەری نازدار دروودی لەسەر دەفەرموێت: (إذا ى اثْنانِ دُونَ الآخَرِ، حتَّى تَخْتَلِطُوا بالنَّاسِ مِن أجْلِ أنْ يُحْزِنَهُ.) وا جوانترین ڕەوشت لەو فەرموودەیەوە فێر دەبین گەر لە ژیانی ڕۆژانە هەوڵی بەرجەستەکردنی بدەین.
⁃ ئەوکاتانەی کە لەگەڵ کەسێکی بێکار قسە دەکەیت کە زۆر بە بێهیوایی و وەک ڕۆتینی هەمیشە بە دڵشکاوی بەرەو ماڵ دەڕواتەوە تۆیش هەوڵ بدە کەمتر ئەو وشانە بەکار بێنیت کە باسی کارەکەتی تێدایە. وەک؛ "ئێستە بەڕێوەم بۆ کارەکەم" و "لە زانکۆ دەگەڕێمەوە" یان "با وەڵامی پەیوەندیی هاوپیشەکەم بدەمەوە، ئێستە قسە دەکەین". تەنانەت گەر ئەو کەسەیش خێر و چاکەیشت بۆ بخوازێت، وەلێ هەر بێکاریی خۆی بە سەرقاڵی تۆوە هەڵدەسەنگێنێت و لەوەیە دڵی تەنگ بکات!
⁃ کاتێک دەستگیرانداری و لەوپەڕی کەیفخۆشییت لەگەڵ یاردا، ئاگات لە هەست و سۆزی هاوڕێ سەڵتەکانت بێت، دەربڕینی دڵخۆشیی ڕادەبەدەر و باسی گەشت و قسە و دیارییەکان؛ شتێکی ئەوەندە پێویست نییە چونکە لەوەیە دڵی تەنگ بکات!
⁃ زۆر باسی ماڵەوە و هاوڕێکانت مەکە لای کەسێکی دەربەدەر و ئاوارە، لە خفەت و ناسۆر و کولانەوەی برینی سوودێکی وای پێ ناگەیەنیت، کە تۆ لە پێشی سۆبایەکی گەرمی ئەویش لە ژێر کەپرێکی شڕ هەر نیو سەعات و بە هۆکارێک لە خەو ڕادەبێت یان بە تنۆکی باران یان بە گازی مێشولە. ئەوە تەنیا لە نیعمەتی خوا زیاتر هیچی تر نییە.
⁃ ڕاستە خوای میهرەبان فەرموویەتی: (وَأَمَّا بِنِعْمَةِ رَبِّكَ فَحَدِّثْ.) لێ جەنابتیش دەبێت ڕەچاوی ئەوە بکەی کام نیعمەت و لە چ کاتێک کامەی باس دەکەیت وەک دەرخستنی باشە و منەتی خوا بەسەرتەوە نەوەک بیکەیت بە پۆز.
⁃ لە کۆتاییدا تەنیا کردەوەکانمان لەگەڵدا دەمێننەوە لە ڕۆژی دواییدا، باشتر وایە نییەتەکانمان پاکتر بکەینەوە.