ڕێكخراوی لێبووردنی نێودەوڵەتی پێی وایە ئەوەی لەبەرامبەر مورسی كراوە، لەسەپاندنی سزای لەسێدارەدان بەسەریدا، زیاتر لەدرامایەك دەچێت.

دوای ئەوەی دوێنێ دادگای تاوانەكان لەشاری قاهیرە سزای لەسێدارەدانی بەسەر (د. موحەمەد مورسی) سەرۆكی شەرعی میسرو دەیان سەركردەی كۆمەڵی ئیخواندا، نیگەرانی و كاردانەوە ناوخۆیی و نێودەوڵەتییەكانی بەدوای خۆیدا هێنا.

دەركردنی سزای لەسێدارەدان بەسەر مورسی و سەركردەكانی كۆمەڵی ئیخوان موسلیمین لەپای راكردنیان بووە لەزیندانەكانی موبارەك لەساڵی (2011).

لەلایەن خۆیەوە ڕێكخراوی لێبووردنی نێودەوڵەتی رایگەیاندووە، دەركردنی سزای لەسێدارەدان بۆ مورسی وەك درامایەكی تەلەفزیۆنی وایە.

هەروەها ڕێكخراوی لێبووردنی نێودەوڵەتی داواشی لەكودەتاچییەكانی میسر كردووە، یان مورسی ئازاد بكەن، یان جارێكی تر بەشێوەیەكی مەدەنیانەو دوور لەدەمارگیری دادگایی بكرێت.