کورتەڕانانێک بۆ کتێبی عیشق لەنێوان عەقڵ و ئاییندا

نووسینی: لەیلان هاوین
کتێبەکانی هاوسانی 2025-02-09 کۆمێنت 2 خولەک بۆ خوێندنەوە 1773 جار بینراوە

بمانەوێت یان نا، عیشق و خۆشەویستی بەشێکی دانەبڕاوی ژیانی هەریەکێکمانە. هەیە عاشق بە ڕەگەزی بەرانبەرە و، هەیە عاشق بە خاک و وڵات و دایک و باوک و هاوڕێیە، هەیشمانە کە ئەوینی خودای لە دڵدا جێگر بووە. لە ڕۆژگاری ئەمڕۆدا خۆشەویستیی نێوان هەردوو ڕەگەز زۆرترین مشتومڕی لەسەرە، مادامە حەقیقەتەکە وای لێ هاتووە و ئەم دیاردەیە هەیە، کەوایە پێویستیشە بابەتەکەمان لە لایەن کەسانێکەوە بۆ ڕوون بکرێتەوە کە هەم لە دیوی ئایینییەوە لێی بڕوانن و، هەم لە لایەنی مەنتیقییەوە.
کتێبی عیشق لەنێوان عەقڵ و ئاییندا توێژینەوەیەکە لە نووسینی مامۆستا قانع خورشید و، پێشەکییەکەی لە لایەن د. سەیید ئەحمەد پێنجوێنییەوە نووسراوە. ئەم کتێبە هەنگاوێکی نوێ بووە و زۆر مشتومڕی لەسەر هەبووە، کە چۆن دەکرێت مەلایەک و دیندارێک باس لە عیشق بکات! بۆ نا؟ هەر زۆریش ئاساییە و ڕێپێدراوە، مادامە شتەکە هەیە و پێویستی بە بەرچاوڕوونییە، بۆچی دیندار و لەخواترسێک نەیەت بۆمانی ڕوون بکاتەوە، لەبری ئەوەی بچین و سوود لە کەسانێک وەربگرین کە ڕا و بۆچوون و نەزەرییەکانی دژی ئایین و کەلتووری ئێمە بن؟ یانیش کەسانێک کە ئایینی ئیسلام دەخەنە بازنەیەکی داخراوەوە و گەلێک شتی لێ جودا دەکەنەوە، کە لە ئەسڵدا وا نییە!
ئەم کتێبە بەجوانی هەموو ئەو بابەتانە شی دەکاتەوە کە دەربارەی عیشقن لەنێوان عەقڵ و ئاییندا، تێڕوانینێکی پاک و واقیعبین بۆ بابەتەکە دەکات و عیشق و چییەتی و پێناسەکانی باس دەکات، هۆکارەکان و نیشانە و چارەسەرەکان دەخاتە ڕوو. ئەم کتێبە هەر وا سانا نەنووسراوە، بەڵکو هەر وەکو لە کتێبەکەیشدا دەردەکەوێت، ڕا و بۆچوونی چەندین زانای گەورەی ئیسلامی تێدا هەیە، چەندین نموونەی زەمانی پێغەمبەری ئازیزمان «د.خ» و سەحابەکانی لە کتێبەکەدا وجوودیان هەیە و، هەموو ئەو ئایەت و فەرموودانەی کە بە ڕاستەوخۆ و ناڕاستەوخۆ باس لەو بابەتە دەکەن، تیایدا ڕوون کراونەتەوە.

کتێبی: عیشق لەنێوان عەقڵ ئاییندا
لە نووسینی: مامۆستا قانع خورشید
بابەتی کتێب: توێژینەوە
ژمارەی لاپەڕە: ٣١٦
چاپی پێنجەم «٢٠٢٣»

تاگەکان    
ئەیاد قنێبی گێڕانەوە ئایا سۆفیا شیرک ئیسرائیل ڕەزا بابایی کونە ڕەشەکان نائومێدی بۆ ئەوانەی وەكو خۆمن مۆدێرنیتە حەمەدۆک چارەسەر بە قورئان نوێژ ڕانانی کتێب کۆرۆرنا
کتێبەکانی هاوسانی
2025-02-09 کۆمێنت 2 خولەک بۆ خوێندنەوە 1773 جار بینراوە
بابەتی زیاتر
سەرجەم مافەکانی پارێزراوە بۆ وارگەی هاوسانی . Copyright 2026 - hawsani.org © Developed by Kurdsoft
×
هاوسانی